Тренинг Фасцилитатори:
Од лево на десно: Geert Sonck, Dirk Uyttenhove, Слободан Антовски
Во рамките на долгогодишната соработка на УНИЈАТА НА НЕЗАВИСНИ И АВТОНОМНИ СИНДИКАТИ НА МАКЕДОНИЈА и Белгиските Синдикати се покрена иницијатива за реализација на тренинг семинар токму од оваа област на текстилното индустриско произвотство, и организацијата на работничкото движење во услови на Глобална Економска криза, каде Текстилната индустрија како нај изложена на ударот на овој глобален економски феномен, трпи удари во поглед на се поголема невработеност и откази. Европското и светското синдикално движење бележи негативен пад на своето членство и вложува вонредни напори на разрешување на проблемите на своите истурени членови-работници токму во овој сектор. Семинарот се одржа на 29 и 30 Септември 2009 година во еден од Охридските хотели на брегот од Охридското Езеро. Гости претставници на ACV CSC беа токму претседателот на ACV CSC Textura г-дин Dirk Uyttenhove, Geert Sonck- синдикален повереник заедно со поранешниот генерален секретар на EZA (Evangelische Zendings Alliantie или Evangelical Alliance Mission) од Германија г-дин Joachim Herudek, кој сега е во активна пензија.Како гостин на овој семинар, кој имаше свое излагање и анализа за состојбата во Р. Бугарија во однос на синдикалното организирање, беше претседателот на ПРОМЈАНА -независниот синдикат од Бугарија.
Претседателот на ПРОМЈАНА Р. Бугарија
На семинарот активно учество зедоа претставниците на BSPK (Сојуз на синдикати на Косово), кои ја изразија сопствената потреба за вакви соработки на регионално ниво, и ја објаснија состојбата со текстилниот сектор и условите во кои работат работниците и се соочуваат со проблемите. Споредбено состојбата во индустријата и во овој сектор на ниво на држава во Косово се уште е недоволно недефинирана, во однос на колективното договарање и севкупно во рамките на Социјалниот Дијалог.
Во излагањето (презентациите) на гостите од Белгија се дефинираше моделот на Социјалниот Дијалог во форма на трипартизам кој се практикува успешно во Белгија. Системот на Социјалниот Дијалог Во Германија и некои други земји по интервентното излагање на г-нот Herudek, беше кажано дека се практикува во малку поразлична форма на бипартитно договарање, на сите нивои на организација на структурата на Социјалните партнери: Влада, Синдикати и работодавци. Особен акцент се постави на темата каков би требало да изгледа Социјалниот Дијалог во наши Балкански рамки, на што беше укажано дека во овој момент на практикување на системот на Социјална држава во Р. Македонија корелацијата на односи е дака дефинирана да и речиси немаме Социјален Дијалог, или тој се одвива само на ниво на компании. Секторското и Националното ниво во голема мерка е одминато од придобивките на Социјалниот Дијалог, и тоа не е од блиско минато туку влече корени уште од периодот на катастрофалната приватизација на огромните индустриски капацитети во екот на 90-те години од минатиот век. Практикувањето на Социјалниот дијалог во Белгија (и другите западноевропски земји) датира од пред стотина години, и во овој контекст Македонија веќе бележи предност во однос на креирањето на Социјалниот Дијалог споредбено со историскиот развој на истиот во тие европски земји. Но да не потпаѓаме под налетот на наивни илузии на огромен прогрес во доменот на Социјалниот Дијалог, туку реално да се соочиме со негова што побрза имплементација и тоа на сите скалила на хиерархија во државата, бидејки Македонија (и другите земји од регионот) нема време сто години да гради Систем на Социјален Дијалог по мерка на тој во западноевропските земји.
Фотографија на сите учесници
